बीर नेपालीको रगत पोतिएको कालापानी कुन देशमा पर्छ सरकारलाई नैं थाहाँ छैन !

SHARES
Share on FacebookShareTweet on TwitterTweet

काठमाडौं । नेपाल भारतसँग सबैंभन्दा धेरैं सिमा जोडिएको देश हो । हरेक दिन भारतले नेपाली जमिनमाथि गिद्धे नजर राख्ने गरेको पाइएको छ । यसका ज्वलन्त उदाहारणका रुपमा हामीले नवलपरासीको सुस्ता र दार्चुलाको कालापानीलाई लैजान सक्छौं । तर, अहिले सरकारले नै राखेका अधिकांश नक्सामा दार्चुलाको कालापानी छुटाएको पाइएको छ । निसान छापमै प्रयोग गरिएका नक्सामा समेत । नेपाली भूभाग कालापानीमा लामो समयदेखि भारतले सेना राख्दै आएको छ । यसमा भारतलाई साथ पुग्ने गरी सरकारी नक्सा बनाइएको छ । यसको नापी विभागले पुष्टि गरेको छ ।

‘देशको निसानी मानिने निसान छापमा राखिएको नक्सै त्रुटिपूर्ण छ’, विभागका उपमहानिर्देशक सुरेशमान श्रेष्ठले भने, ‘पहिलाको नक्साबाट कालापानीको ठूलो भू–भाग हटाइएको छ । प्रधानमन्त्री तथा मन्त्रिपरिषद्को कार्यालयको वेब साइटमै अपूरो नक्सासहितको निसान छाप राखिएको छ । हेलो सरकार, गृहमन्त्रालय र परराष्ट्र मन्त्रालयका ट्वीटरमा पनि त्यही छ ।’ ती नक्साबाट वैज्ञानिक मापन गर्दा कालापानीको ६ हजार हेक्टरभन्दा बढी भूमि गायब छ । कुनै साइटमा सात हजार ९ सय हेक्टरसम्म गायब भएको नक्सा प्रयोग गरिएको छ । श्रेष्ठका अनुसार कतिपय नक्सामा सुस्तामा पनि समस्या छ । आजको अन्नपुर्ण पोष्ट दैनिकमा खबर छ ।