माइक्रोनेसियामा एयर न्यूगिनीको विमान समुन्द्रमा खसेको छ ।

SHARES
Share on FacebookShareTweet on TwitterTweet

एजेन्सी / दक्षिणी प्रशान्त क्षेत्रको देश माइक्रोनेसियामा एयर न्यूगिनीको विमान समुन्द्रमा खसेको छ ।

रनबेमा ल्याण्ड गर्ने क्रममा विमान चिप्लिएर समुन्द्रमा खसेको विमानस्थलका अधिकारीले जनाएका छन् । समुन्द्रमा विमान खसेपछि विमानभित्र रहेका ४७ जना यात्रु र चालक दलका सदस्यहरुको डुंगाका माध्यमबाट उद्धार गरिएको छ । अहिले विमान मात्रै समुन्द्रमा डुबेको छ ।

विमानका यात्रुहरु र चालक दलका सदस्यलाई अस्पताल लगिएको छ । अस्पतालमा आठजनामध्ये चार जनाको अवस्था गम्भीर रहेको र चारजनाको सामान्य रहेको जनाइएको छ । एयर न्यूगिनीले विज्ञप्ति जारी गर्दै भारी वर्षाका कारण भिजिविलिटी नभएका कारण विमान दुर्घटना भएको जनाएको छ ।